ادخل وقولي رايك ...

السلام عليكم ورحمة الله وبركاته

اللهم صلي على محمد وعلى آله وصحبه أجمعين

ما هي أهم ظاهرة تتمنى أن تزول من مجتمعاتنا ?

أصبحت هنالك الكثير من الظواهر الاجتماعية الغريبة.. وكذلك الدخيلة على
مجتمعاتنا العربية والإسلامية

لم نكن نسمع بها من قبل أو نتخيل حدوثها
والمحزن أنها ظواهر الكثير يعرف احكامها


ولكن لماذا أصبحت منتشرة ؟
هل هو قلة الوازع الديني ؟
أو تمرد على المجتمع وعادته وتقاليده ؟


هناك الكثير من الظواهر الغريبة أتمنى من الجميع أن يكتب فيها الرأي




والسؤال المطروح



ما هي أهم ظاهره اجتماعية تتمنى زوالها من مجتمعاتنا؟


عاوزة كل واحد منكم يدخل ويشارك برايه
مستنياكم
سلالالالام

السلبيه

هو فى ظاهر كتير نفسى تزول وهشارك تانى ان شاء الله

بس احب ابدا بظاهره السلبيه كل واحد بيقول وانا مالى ..خلينى فى حالى ..هو أان اللى هصلح الكون ؟؟

لازم نكون ايجابيين ونبدأ نحاول تغيير كل شىء غلط أمامنا مهما كان صعب ومهما كان خطر

فعلا عندك حق يا دكتور كل واحد لازم يبدا بنفسه ويعمل اللى عليه على قد مايقدر
وميتكلش فى كل حاجة على غيره ولازم دايما نخلى عندنا ايمان اننا هنقدر ان شاء الله

يااااااااه يا نوسة يبنتى احنا عايزين كتاب
ده تقريبا 80% من الظواهر المجتمعية سلبية لابد من تغيرها
على سبيل المثال
كل واحد يعمل اى جاجة فى سبيل يحقق اللى هو عايزة سواء بريقة مشروعة او غير مشروعة وملهوش دعوة بلى هيضروا المهم هو والباقى يولعو ما بقاش فى ضمير

موضوع حلو يا نوسة والله القلوب عند بعضها كنت لسة بفكر انا وتويتى نزل موضوع فى المناقشة بس مش عارفين يكون اية انتى سبقتينا يا قمر

انا شايفة ان اكتر ظاهرة نفسى ما تكونش موجودة قلة الخوف من ربنا وقلة الحياء وقلة الاخلاق
تلاقى الاولاد اللى مسقط بنطلونة واللى لابس سلسلة واللى مكهرب شعرة واللى لابس مقطع قال اية موضة واللى واللى بصراحة مناظر بقت تقرف ومابقتش احس انهم رجالة دة فى بنات ارجل منهم والبنات برضة مش هاقول الشباب وبس بصراحة لابسين لبس عيب اوووووووووووى كدة كتير لية بيعملوا كدا اصلا دة غير بقا الثنائى اللى بيمشوا فى الشوارع وفى الجامعات وعلى الكورنيش فى الحدائق وفى كل مكان بصراحة اية المناظر دية بحس انى بشوف الاوربى من غير دش مناظر وحشة اوووووى بتمنى ان كل دة يختفى بجد

ربنا يخليكى يا قلبى
بس برده القلوب عند بعضها لان نفس الظواهر اللى مضيقاكى تقريبا هى اللى كنت هقلها بالظبط
بجد ياسفنى انى اقول ان من اكتر الظواهر استفزازا المياصة سورى فى اللفظ بس ملهاش معنى تانى اللى بقت فى الشباب والبنات وبقى عادى مسك الايد ويمسكها لا تقع ولا حاجة وهى مجرد صاحبته وعادى ولا فى خوف من ربنا ولا احترام لذات ولا كرامة ولا مبادىء وللاسف الناس دول كتروا اوى وبجد مزعلنى اوووى وفعلا مناظر مقرفة

أيوة فعلا المناظر دي بقت منتشرة أوي بطريقة بشعة
وفي كل مكان مش عاتقين الجامعات والنوادي والشوارع
ده حتي محطات المترو معتقوهاش ممكن كان الأول حكاية الصحوبية دي
كانت محدودة شوية لكن دلوقتي بقت فظييييييعة ربنا يهدينا ويهديهم

ومن الحاجات اللي نفسي تتغير بجد حكاية ان الشخص يكون له 1000 قناع
ومتبقيش عارفة حقيقة الشخص ده ايه

فعلا عندك حق يا تويتى دول فى كل حتى هههههههههه ده فيروس وانتشر

وحكاية كل واحد ب1000 وش دى فعلا صعبة اوووى ده نفاق على كدب على خدااااااااااااااع الله يهديهم

أحب أشارك تانى واتكلم عن ظاهره عدم النظافه

القمامه اللى بتملأ الشوارع الان أصبحت شىء مؤسف للغايه

والمسئوليه لها شقين

الشق الاول شق المواطن لأن كل واحد لازم يشارك فى الحفاظ على نظافه البيئه

الشق التانى الحكومه اللى لازم تشتغل شويه وتفضى للشعب بدل مهم مشغولين بحاجات تانيه ملهاش لازمه

والشقان أساسيان ومتلازمان

فعلا يا دكتور عندك حق الظاهرة دى بقت فى كل مكان بشكل بشع وهى فعلا ليها شقين بس اعتقد لو كل مواطن بدا بنفسه انا يحافظ على المكان اللى موجود فيه اكيد هتفرق كتييييييير

مش معقول كل السلبيات خلصت هههههههههههه

احب اشارك بظاهره تانيه فى الموضوع المميز ده واتمنى ان الظاهره دى تختفى

وهى ظاهره كبت الحريات والمحاسبه على الرأى

لأن من حق كل واحد التعبير عن رأيه حتى لو كان نقد وبجد شىء متخلف جدا ان حد يدخل السجن علشان مقاله كتبها

أو يتحذف له موضوع صحفى كتبه فى جريده علشان فيه نقض لشخصيه مشهوره

أتمنى ان حريه الكلمه تنتشر فى بلادنا أكثر من كده

لالالالالالالالالالا مخلصتش طبعااا يا دكتور
ههههههههههههه
من السلبيات الموجودة فى مجتمعنا بقينا كلنا نشوف الغلط ومش بنفكر مجرد تفكير نصلحوا وكاننا صم بكم ولا شايفين اى حاجة وساعات كمان بنعمل الغلط ونقول ماهو ده اللى سائد فى المجتمع يعنى جت علية

دكتور خالد كتب:

مش معقول كل السلبيات خلصت هههههههههههه

احب اشارك بظاهره تانيه فى الموضوع المميز ده واتمنى ان الظاهره دى تختفى

وهى ظاهره كبت الحريات والمحاسبه على الرأى

لأن من حق كل واحد التعبير عن رأيه حتى لو كان نقد وبجد شىء متخلف جدا ان حد يدخل السجن علشان مقاله كتبها

أو يتحذف له موضوع صحفى كتبه فى جريده علشان فيه نقض لشخصيه مشهوره

أتمنى ان حريه الكلمه تنتشر فى بلادنا أكثر من كده

فعلا يا دكتور معاك حق احنا المفروض اننا فى بلد ديموقرطى من حق اى واحد انه يعبر عن رايه بحريه
بس برده يا دكتور للاسف فى ناس بتستغل الديموقراطية دى انها تستخدمها فى التجريح والنقد بشكل غير حضارى اطلاقا

يعنى المفروض برده كل واحد يعبر عن رايه مهما كان هو بس باسلوب لائق وبدون اهانة او تجريح وطبعا فى الحالة دى المفروض ان الطرف اللى وقع عليه التقض يتقبله بصدر رحب ويحاول التعديل عااااااااااااااادى ممكن اى حد او اى جهة تغلط احنا فى الاول والاخر بشر بس لما تلاقى اللى يقومها المفروض انها متصدوش

يعنى الموضوع محتاج تفاهم من الطرفين واتمنى نلاقى ده بجد فى بلدنا بس للاسف فى ناس كتير مبتقبلش النقد وبتعتبره اهانة للاسف

لؤلؤة كتب:

لالالالالالالالالالا مخلصتش طبعااا يا دكتور
ههههههههههههه
من السلبيات الموجودة فى مجتمعنا بقينا كلنا نشوف الغلط ومش بنفكر مجرد تفكير نصلحوا وكاننا صم بكم ولا شايفين اى حاجة وساعات كمان بنعمل الغلط ونقول ماهو ده اللى سائد فى المجتمع يعنى جت علية

عندك حق يا لولو دى ظاهرة انا ومن بعدى الطوفان للاسف كل واحد مكبر دماغة واهم حاجة انه يعيش مرتاح ومبسوط ومتشغلوش الا مشاكله الخاصة اما اى حاجة تانية يقلك انا مالى كان المجتمع اللى احنا عايشين فيه ده مش بتاعنا ومحدش قلبه على غيره زى زماااااااااااااااااااااااااااااان المصلحة الخاصة بقت اهم من المصلحة العامة بكتييييييييير للاسف مع ان لو كل واحد يساهم فى المصلحة العامة للمجتمع هيستفيد ويفيد . لكن ازااااى فى ناس بتصعب عليها اوى انها تتعب وغيرها يستفيد

بس برده هنا مقدرش اقول غير ان كل واحد لازم يبدا بنفسه واكيد هيبقى فيه امل فى التغيير للاحسن

ييييييييييييييييييلا شاركونا ايه تانى من الظواهر نفسنا انها تتغييييييييير مستنية ارائكم ومساهمتكم

الف مليووووووووووووووووووووون مبروك ان موضوعك اختاروةيا نوستى يا عسل انتى انتى تستاهلى اكتر من كدا والله

ربنا يخليكى يا قلبى يا حبيبتى الموضوع منور بردودكم وتفاعلكم وهو ده سبب نجاحة انتوا مش انا ويا رب دايما اكون عند حسن ظنكم

بجد الموضوع حلو جدا
وتم تثبيته

انا اكتر ظاهره مش بحبها هي الرشوه او الشاي اللي بقي موجود في كل حته ومع اي شخص علي انه من السيستم او شيء عادي

ايوه صح انا واحمد مش بنحب الشاى هههههههههههه

أقصد مش بنحب الرشوه لكن بنشرب الشاى عادى
أصلى كنت مره بخلص ورقه فى المستشفى والراجل قالى عاوزين شاينا 100 جنيه كنت مش واخد بالى بعدين فهمت
هههههههههههههه

بالنسبه لموضوع النقد والتجريح بصراحه الموضوع يا نوسه محتاج كلام كتير ونقاش كبير
هو كلامك صح ...مش من حق حد يشتم حد بس يعنى ايه أصلا شتيمه
للأسف فى ناس بتفتكر ان النقد شتيمه وعيب

يعنى مثلا لو قلت ان الوزير س فاشل ولا يستطيع اداره منصبه
او المحافظ ص لا يصلح وحطيت شويه أسباب لكلامى

فى الدول المتحضره الوزير او المحافظ ده بيرد ويدافع عن نفسه حتى لو كان كلامى ده خطأ
لكن فى بعض الدول التانيه يعتبروه بلاغ واهانه ويحققوا ولو الكلام طلع غلط يعتبروا ان اللى كتبه مدان
بجد شىء عجيب


سورى طولت عليكى بس احل النهارده أشارك بظاهره الاهمال الطبى وأتمنى ان كل الدكاتره يتحلوا بالضمير الأنسانى قبل المهنى ومن قال لا اعلم فقد أفتى

ميرسى جداااااااا لحضرتك يا دكتور احمد


هههههههههههههههه انا مكنتش فاهمة يعنى ايه شاى بس خلاص فهمت ههههههههههههههه

فعلا انا بستغرب من حكاية الرشوة دى اوى ازاى ناس بتبيع ضميرها بالفلوس شئ صعب اوى بس الموضوع ده بقى هو العادى فى بلدنا للاسف بس انا مش عارفة الناس دى ممكن الواحد يقلها ايه دى حاجة بترجع للتربية والضمير ومعرفة ربنا
الله يهديهم وبفوقوا وضميرهم يصحى


دكتور خالد بالنسبة لموضوع النقد حضرتك عندك حق فى كلامك بس انا شايفة ان النقد لما بيجى باسلوب راقى وفى توجيه مش توبيخ ان ده الافضل
والفرق بين النقد البناء والنقد الهدام اعتقد اساسه الاسلوب
على الجهة الاخرى برضه لازم المسئولين يبقى صدرهم رحب خصوصا اننا شعب مطحون ولازم يتحملوا عصبيتنا



بالنسبة بقى لموضوع الاهمال الطبى انا كنت ناوية اشارك بيه لانه فعلا بقى ظاهرة منتشرة جداااااااااااااا
ولينا معاه تجارب ياما واللى يغيظ ان الواحد يروح لدكتور معروف وال شاطر وطبعا مغلى الكشف بطريقة بشعة وفى الاخر بيبقوا اخر اهمال ويوصفوا غلاج غلط يا يضر المريض يا يموته اصلا
اكيد فى دكاترة كويسين بس بجد بقوا قليلين اووووووووى

بجد انا عن نفسى بقيت اخاف من كشف الدكاترة بسبب موضوع الاهمال الواحد ممكن يروح يتعالج من حاجة بسيطة يرجع بحاجى اكبر
الله يلطف بينا بقى