طب ..ثقافه.....أدب ...هوايات...تعليم...
 
الرئيسيةالتسجيلدخول
اعلاااااااااااااان هام ::: المنتدي مغلق..كل سنه وانتم طيبين..ويارب كل ايامنا تبقي اعياد وسعاده ويارب احفظ مصر والمصريين واحفظ يارب ثورتنا المصريه. ..والسنه اللي جايه تبقي احلي من اللي قبلها..سبايدر
ادارة المنتدي تتمني التوفيق للدكتور محمد مرسي في تنفيذ عهوده التي وعد بها كل المصريين وان نري مصر دوله مدنيه حديثه متقدمه...كلنا فداكي يامصر

شاطر | 
 

 القصيده التى أبكتنى وأبكت المصريين جميعا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور خالد
المدير التنفيذي
المدير التنفيذي


عدد المساهمات : 435
تاريخ التسجيل : 27/03/2010
الموقع : مصر

مُساهمةموضوع: القصيده التى أبكتنى وأبكت المصريين جميعا   الإثنين 2 أغسطس 2010 - 21:16

قصيده جحا

هذه القصيده جعلت المصريين يبكون

وهم يسمعونها وحتى مقدمه البرنامج السيده منى الشاذلى بكيت وهى تسمعها حين كان يلقيها الشاب الذى قالها فى برنامجها الشهير
وانا شخصيا كدت أبكى وانا اقرأها
أريد ان اعرف رأيكم فيها لأنى شايف انها قصيده أكثر من روعه لشاعر جديد وصاعد

ابيات القصيده


شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله


وهذه صوره الشاب صاحب القصيده
وهو فى البرنامج



</A>



الشعر والصور منقوله من موقع العاشره مساءا والاعلاميه منى الشاذلى
ونشكرهم على طرحهم المميز
الرجوع الى أعلى الصفحة اذهب الى الأسفل
عذاري
المشرف السوبر سبايدر


عدد المساهمات : 3084
تاريخ التسجيل : 27/03/2010

مُساهمةموضوع: رد: القصيده التى أبكتنى وأبكت المصريين جميعا   الإثنين 2 أغسطس 2010 - 22:24

ابيات رووعه
الله يعطيك العافيه
جزاك الله خيرا



الرجوع الى أعلى الصفحة اذهب الى الأسفل
نوسة
مشرف سبايدر
مشرف سبايدر


عدد المساهمات : 606
تاريخ التسجيل : 26/09/2009
العمر : 26

مُساهمةموضوع: رد: القصيده التى أبكتنى وأبكت المصريين جميعا   الإثنين 2 أغسطس 2010 - 23:24

اكتر من رائع
هى ديه الحقيقة المرة
اللى احنا بنعمل نفسنا مش عايشنها






لمُجَرد..الكِتابه انَا أكتُب

مَشاعر لاتَخْلقها الا حُرُوفِي
فأكتب
الحُب
والرثَاء
والخِيانه
وَقد لا أعيْش اي منها
وقد أعيش احدها
فلست متُقلبه ولكن أَوتَار قَلَمِي
تَخْتَلِفْ إِيْقَاعَاتِهَا.
الرجوع الى أعلى الصفحة اذهب الى الأسفل
لؤلؤة
سبايدرعدي القمر


عدد المساهمات : 328
تاريخ التسجيل : 26/09/2009

مُساهمةموضوع: رد: القصيده التى أبكتنى وأبكت المصريين جميعا   الثلاثاء 3 أغسطس 2010 - 0:02

كلام رااااااااااااااااااااااااااائع
وموضوع متميز


<P></P>
الرجوع الى أعلى الصفحة اذهب الى الأسفل
tweety
المشرف السوبر سبايدر


عدد المساهمات : 355
تاريخ التسجيل : 26/09/2009
العمر : 25

مُساهمةموضوع: رد: القصيده التى أبكتنى وأبكت المصريين جميعا   الثلاثاء 3 أغسطس 2010 - 1:18

واقع مرير ولكن هنعمل ايه
مفيش بادينا حاجة نعملها
ربنا يستر على الايام الجاية


الرجوع الى أعلى الصفحة اذهب الى الأسفل
 
القصيده التى أبكتنى وأبكت المصريين جميعا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العناكب الثقافية :: ركن العناكب الأدبى :: قلوب العناكب-
انتقل الى: