خليك صايع

حذرنا الكبار واحنا لسه عيال من خطورة ان نصبح (عيال صايعه) فعندما نتأخر في العوده الى المنزل بعد المدرسه يتم استقبالك بسؤال

( كنت فين يا صايع لحد دلوقتى) وعندما يكون الزرار العلوى للقميص مفتوح ( ماتفتحش صدرك زى العيال الصايعه كده ) وكان هناك ارتباطا وثيقا بين

الصياعه و التدخين والوقوف على النواصى ومعاكسه البنات و وضع الايدى في الجيوب اثناء الكلام مع الاب وشرب القهوة و متابعه المشاهد الساخنه في

الافلام والكلام في التلفون في بالساعات والرد على الكبار بأسلوب غير مهذب والتزويغ من المدرسه والرسوب في نهايه العام وارتداء القميص على اللحم .

وكان لقب صايع لقبا مخيفا نهرب منه ( هو الواحد ايه غير سمعه وشويه حاجات فوق بعض) وكنا نحرص على الابتعاد عن اى شخص يحمل لقب

( صايع عشان الواحد (مايتشبهش ) ولكن بمرور الوقت حدثت طفره , لم تعد كلمه صايع شتيمه بل اصبحت وساما يضعه الاخرون على صدر كل من

يحوز اعجابهم .... واصبح الشخص الصايع هو الشخص الناجح القادر على إثارة اعجاب الناس من حوله , واصبح الصايع هو النموذج والقدوة والمثل

الاعلى احيانا...ولقب صايع لم يعد مقصورا على الاشخاص فقط فهناك اشياء كثيره ممكن تقول عليها صايعه... جهاز الموبيل اللى فيه كل الامكانيات اللى محتاجها واللى بتحلم بيها يبقى موبيل صايع

ممكن تلاقى جون صايع عباره عن جمله بين 3 لاعبين سريعه ورشيقه وغير متوقعه ...ممكن تلاقى بوست لالبوم لمطرب متصمم بطريقه صايعه ومحطوط في حته صايعه

وممكن تلاقى بلد يتقال عليها صايعه زى الصين اللى قدرت انها تخترق مصر بمنتاجاتها وبالتالى يمكنك ان تقول ان ( الصنين دول صايعين قوى)
ولا اعر ماذا حدث بالضبط وغير سمعه الكلمه 180 درجه..غاليا هى دى الصياعه!

استطيع الان وانا ضميرى مستريح اشجعك ان تكون (صايع)بالمعنى الجديد للكلمه..للصياعه بمفهومها الجديد ادبا يجد الالتزام بها حتى تستحق اللقب



1- الصايع عمر ما يقول على نفسه انا صايع عمرك شفت واحد ذكى ماشى يقول للناس ( انا ذكى يا جماعه)؟
2-الصياعه تعتمد على الثقافه العامه عن كل الجالات يكفيك ان تعرف ( حاجه عن كل حاجه) .
3-الحظ قد يقودك الى القمه والصياعه ان تحافظ عليها .
4-الصياعه ان بالك يكون طويل وماتبدأش بالغلط وماتردش على اللى بيستفزك وانك تسامح اللى تقدر تنتقم منه بسهوله .
5-الصياعه انك ماتكررش الغلط مرتين
6-الصياعه انك تبقى فاهم كويس انه ....
::مش مهم انك تغير الكون المهم ان الكون ميغيركش ..
::الحب اللى بيجي بسرعه بيروح بسرعه
::طبيعى انك تحس بالخوف بس اوعى ده يخوفك
::الاحمق هو الشخص الذى لسانه اسرع من عقله
::اتعلم انك تضحك على مشاكلك وانت عمرك ماهتبطل تضحك
::الخط المستقيم اقصر طريق بين نقطتين..والابتسامه اقصر طريق بين شخصين
::الصبر هو الحاجه الوحيده اللى لازم تستعجلها وانت بتعملها
::مش كله مره تتعب فيها هتوصل للى انت عايزه بس عمرك ماهتوصل للى انت عايزه من غير ماتتعب
::الفهلوه سرقه وخد بالك مافيش طريق مختصر للمكان الى يستحق ان الواحد يروحه
::اخطر عيب في البنى ادم انه مايشوفش في الناس غير عيوبهم
::الصديق الجيد هو الهديه الوحيده اللى الواحد بيقدمها لنفسه بنفسه
::ابتسامتك في وش اى حد هتخليه صعب انمه يكرهك
::عمرك ماهتعرف قيمه الميه غير لما تعطش وعمرك ماهتعرق الصح غير ما تغلط
::اوحش حاجه انك تكون مابتعملش حاجه لانه هيبقى صعب تعرق هتخلص امتى
::الوقت اللى هتضيعه في التفكير في الحاجه اللى ناقصاك المفروض تديه تفكير في الحاجه اللى عندك
::العقل زى البارشوت مابيشتغلش غير لما يتفتح
::ماتسبش الريموت كنترول في ايد حد الا لو كنت بتثق فيه

منقول

موضوع جرىء

المجتمع اتغيرت فيه المفاهيم ..والشباب أخترع أو غير بعض المصطلحات

بس انا شايف ان المصطلحات مش مهمه اوى

المهم المعانى والمدلول والاهداف

شكرا على موضوعك الجرىء وفى أنتظار المزيد من الابداع ان شاء الله

::اتعلم انك تضحك على مشاكلك وانت عمرك ماهتبطل تضحك
:عمرك ماهتعرف قيمه الميه غير لما تعطش وعمرك ماهتعرق الصح غير ما تغلط
:ماتسبش الريموت كنترول في ايد حد الا لو كنت بتثق فيه
اهم حاجة الريمود انا اعرف ناس بتقتل بعض عشان قناة هههههههههههههههههههههههههههههههه

شكرا لمروركم ومشاركتكم
د.خالد، القلب الطائر، د.أحمد، أميره بكلمتي
وأنا يا قلب بحب الريموت يكون معايا

طبعا يا تويتى اكيد الريومت لازم يكون معانا يا قمر احنا الوة الغالبة فى البيت او المغلوبة احيانا لا كتييييييير هههههههههههههههههههههههههه