موقف حصل معايا انتقاما للبنات ...

بصراحه كنت متردد قبل كتابه الموضوع ...بس قولت من حقكم كلكم أنكم تعرفوه خصوصا البنات بسبب موضوعات التريقه اللى نزلتها



الحكايه دى حصلت ليا بجد يا جماعه ويمكن فى واحده من البنات دعت عليا فى وقت أستجابه والله اعلم





مش هطول هقولكم على اللى حصل على طول



من يومين كان عندى فرح واحد قريبى وكان فى قريه تابعه للبحيره...وطبعا انتم عارفين القرى



المهم روحت أنا وعمى الفرح وطبعا عارفين ان الأفراح بتسهر لحد وقت متأخر لاننا فى الصيف



المهم لما خلص الفرح واحنا راجعين كانت الساعه تقريبا 3 صباحا

وكنا ماشيين فى طريق ظلاااااااااااااااااااااااااااااااام وفاضى وضيق وكله مطبات



وبدأنا نسمع أصوات ديابه وحاجات

كأننا تهنا وحسيت أن عمى تعب قولتله أسوق أنا شويه

وفعلا ...وانا بحب أسرع علشان أخلص وكمان الطريق كان فاضى واصلا انا كنت مش شايف أى حاجه



وفجأه ووسط الظلام لقيت الدنيا أصبحت حمرا ودم غطا الزجاج لأنى خبطت شخص



طبعا وقفت بسرعه ونزلنا من السياره ووجدت واحده ست عجوزه واقعه فى الأرض وحوليها دمها



بس انا كنت متاكد ان الطريق فاضى وكنت مشغل كل الكشافات



حاولت أحركها وجدتها حيه وفيها الروح ...وشيلتها انا وعمى ووضعناها فى السياره وحاولنا نوصل لأى مستشفى بسرعه





اااااااااااااااااااااااااااااااااه كل لما أفتكر أحس بألم ......وفضلنا نبحث ونبحث لغايه لما وصلنا لقريه قريبه

ووجدنا علامه بتشير لمكان وحده صحيه ومشينا حسب العلامه



ولما وصلنا الوحده وجدنا دكتور نبطشى ...قولتله معايا واحده خبطناها بالسياره



قالى لحظه أخلى الممرضين يجيبوها علشان يشيلوها صح.....وروحت انا والممرضين والمفجأه



وجدنا السياره ..................فاضيه ....



بقيت هتجنن أزااااااااااااااااااااااااااااااااااااااااااااااى ؟؟؟؟؟





مش معقول ومش ممكن تمشى دى مكسره وغارقه دم وكمان هتروح فين احنا فى حته مقطوعه



بدأ الدكتور يشك فيا وفى عمى وفكرنا سكرانييين ومصدقناش ...وحلفتله 100 يمين وحسيت انه بدأ يتريق علينا



ويقولنا طيب روحوا دوروا عليها وانا مستنيكم



بدأت أحس بصداااااااااااااااع وخووووووووف وبصيت لعمى وفكرنا فى شىء ؟؟؟



ربنااااااااااا يستر ووقتها تذكرت كل مواضيعى اللى تريقت فيها على البنات



وقولت يمكن واحده منهم دعت عليا ربنا يستر



وفجأه وجدنا عامل من المستشفى بيناديلنا وبيسألنا عن الطريق اللى كنا ماشيين فيه



وبيقولنا انه عارف الست دى وانها بتظهر وبتختفى



وطالما دخلت السياره مش هتطلع منها أبدا الا بتعويزه بيعملها شيخ فى نفس البلد



بصراحه كنا هنموت من الرعب انا مصدقتش الكلام ده وقولت انه راجل خرفان



بس عمى صمم أننا نروح



والراجل اعطانا ورقه جلد عليها مكتوب سوره الجن



بدأت اخاف شويه بس قولت لعمى ان مفيش حاجه اسمها جن يظهرلنا وانا فعلا كنت مش معتقد فى الموضوع ده خالص



ورجعنا العربيه



ومشينا وهو اللى ساق .....وكان الطريق ظلام ...



وانا كنت راكب جنبه أودام وقولتله سرع يا عمو خلينا نوصل أنا تعبت فرد عليا صوت وقال



أنت محرمتش ...عاوز تخبط حد تانى ؟؟؟



بصيت ورايا وجدت الست اللى خبطناها جالسه فى الكرسى اللى ورانا ....صرخنا احنا الأتنين وعمى كان هيقفز من السياره



وانا كنت هموووووووووووووووووووووووووووووووووت من الرعب



وبدأت حاول أقرأ قران بس وجدت لسانى أتشل وبقيت مش قادر اتكلم



بجد يا جماعه انا كنت مش بعتقد فى الحاجات دى لولا انها حصلت معايا



حاولت أفتح باب السياره وجدت رجلى مش بتتحرك



بقيت مش عارف اعمل أيه



وفجاه عمى فتح الورقه الجلد اللى اعطاها له الشيخ وبدأ يقرأ فقامت خطفتها منه وقفلتها



ومسكتنى من القميص ....وانا خلاص مش قاااااااااااااااااااااااااااااااادر



همووووووووووووووووت من الرعب



عمى قالها



أحنا اسفين انتى عاوزه ايه كل طلباتك مجابه



مش عارف ليه كل اللى كان على بالى هى المواضيع اللى كتبتها هنا



وانى ظلمت البنات جداااااااا وانه ممكن يكون ذنبهم



عمى قالها أنصرفى وهنفذلك كل طلباتك



قالت أنا همشى بس بشرط وهو انكم تلحسوا الدم اللى على هدومى بلسانكم



سكتنا ....وخوفنا .....



رفعت الجلباب اللى كانت لبساه ...كان وجهها وجه ست عجوزه



ورجلها زى رجل الماعز بجد كنت همووووووووووووت من الرعب



قالت لازم تلحسوا الدم بلسانكم ولازم الجلباب ينضف من الدم ده والا مش هيحصلكم كويس



فى اللحظه دى انا نطقت وقولتلها مستحييييييييييييييييييل مش هيحصل



مستحييييييييييييييييييييييييييييييييييييييييييييييييل





ردت وقالت .......قالت





مع برسيل مفيش مستحيل





هههههههههههههههههههههههههههههههههههههههههههههه





تعيشوا وتاكلوا غيرها بالشفاااااااااااا



هههههههههههههههههههههههههههههههههههههههههههههههههههه





بزمتكم دمى خفيف صح ؟؟؟؟؟ ههههههههههه





وامانه عليكم اللى يقرأ القصه وياكل المقلب يرد



وطبعا كل واحد خصوصا البنات اللى كانوا مجهزين رد هههههههههه



دى نهايه اللى يتريق علينا وكلام من ده ههههههههههههههه



بس عاوز أقلكم ان كلنا اخوات



وانا بتريق على اخواتى البنات وهم بيستحملونى وانتم كمان لازم تستحملوا



لأانى دمى خفيف ومفيش حلاوه من غير ناااااااااااااااااار هههههههههههه





هههههههههههههههههههههههههههههههه





تصبحوا على خير

هههههههههههههههههههههههههههههههههه
بجد جرام عليك انا اول واحدة شربت المقلب وبجد كنت صعبت عليا وانا اترعبت ههههههههه

ههههههههههههههههههههههه

صباح الفل

خلاص أدفعى تمن المشروب ولا خلاص انا عازمك عليه هههههههه هديه

بس صعبت عليكى شكرااا خلاص كده عرفت أنك أنت اللى دعت عليا هههههههه

هههههههههههههههههههههههههههههههههههههههه
لا مكناش هنقول دة جزاء اللى بيتريق على البنات لان احنا قلبنا طيب

هههههههه كنت متوقعة انه مقلب مش عارفة ليه يمكن متوقعتش ان فى حاجة بالشراسة دى فى الحقيقة
انت خيالك واسع اوووووووى هههههههههههههه

ههههههههههههههههه.....

فعلا خيال حضرتك واسع اووووووووووووى..

شكرا للموضوع

علي فكرة أنا صدقت
لأني للأسف كنت لسه قاري كتاب
""أرواح وأشباح"" لأنيس منصور من شهر ده غير اللي بسمعه عن مواقف كتير حقيقية حصلت لناس
وكفاية كده عشان أنا قاعدفي أوضة ضلمة وماسك الموبايل وفي أصوات بدأت تظهر حواليا
هههههه


و أهم حاجة طبعا إن الواحد يبقي مؤمن تماما إن حتي لو حصل ده معاه مفيش ضرر هيحصل له إلا لو ربنا كاتبه يحصل ودايما نحصن نفسنا بالأذكار
وشكرا ليك يا رومانسي
ع الطرح الجميل ده

القصه دي واحد حكهالي قبل كده بس بطريقه مختلفه بس قاللي انها حصلت معاه حقيقي سبحان الله نفس القصه ونفس الأسلوب ممكن نقول تشابه أرواح وخلي بالك القطه السودا بسبع أرواح وتقريبا دكتور عريفي يعرفها برده

على فكره حرام عليك لانى صدقت بجد واترعبت جدا