المنتدي في رمضان

اولا..كل سنه وانتم طيبين...ويارب يجعل كل لحظه نعيشها أسعد وأحلي ..ثانيا..أحب أوجه شكر خاص لدكتور خالد علي المجهود الرائع والمتميز ال قام بيه في تطوير المنتدي ولأفكار الجميله لموضوعات فعلا متميزه وطبعا موضوع تفتكرو ممكن نقدر ال بجد أسعدني بطريقه غير عاديه بعد أما شفت الحماس والجديه من كل الأعضاء واناكان نفسي أشارك فيه بس ربنا يسامح المذاكره ..طبعا رمضان داخل علينا ويمكن كلنا حا

معلش الكتابه من الموبايل مش بتظهر كل الكلام لكن تكمله للكلام ان ان شاء الله رمضان يكون سبب لدخولنا الجنه وكلنا بندعي ربنا انه يكتبنا من المرحومين فيه علشان كده احنا هنقفل بعض أقسام المنتدي وهنعمل أقسام خاصه بالشهر الكريم

الغرض من كده هو التركيز في ايمانيات وروحانيات رمضان ومفيش أي حاجه مهما كانت مهمه تشغلنا عنه وكأننا بنهب كل وقتنا وحياتنا خلال هذا الشهر الي الله وان شاء الله الأقسام الجديده تساعد في هذا الهدف وربنايهدينا جميعا لطاعته

الأقسام ال هتفضل مفتوحه هي أقسام القدس والاسلاميات والأقسام الطبيه وتفتكرو ممكن نقدر أما باقي الأقسام فغلقها لا يقلل منها أو من أهميتها ولا يعيبها لكن الغرض هو التركيز التام في رمضان وطبعا فيه أقسام جديده هتتعمل خاصه بشهر رمضان وأتمني ان تكون دي حاجه بنقدمها كلنا لربنا

أحب أكرر ان وجود كل الأقسام التانيه لا يتنافي مع رمضان لكن الغرض هو التركيز التام في رمضان آخر حاجه أنابدعي ربنا انه يتقبل مننا هذا العمل ويجعله في ميزان حسانتنا ويجعل ثوابه لكل واحد مننا اللهم آمين

طيب هو فى أقسام معينه هتتقفل فى رمضان ليه ؟؟ كل الأقسام متدينه وتتناسب مع رمضان

ولو فى أقسام هتتقفل ايه هى ؟؟

يعنى مثلا قسم النقاشات هيتقفل ؟؟ دحنا عاوزينه فى رمضان وكنت ناويه أجهز شويه حاجات فيه بمناسبه رمضان

والقسم العام أكيد برضه مهم

وكله كله يعنىالقصص احنا بنتابع قصص ولسه مخلصنهاش وفى قصص حلوه عذارى بتنزلها مش عندى عاوزه انقلها لسه وفى كمان كتب

وطبعا قسم البنات مهم جدا خصوصا المطبخ لان رمضان محتاج مطبخ لوحده هههههههههههههه


بعد اذن حضرتك يا دكتور خلى لينا كل الأقسام مفتوحه فى رمضان ولو عاوزين تعملوا حاجه خاصه برمضان حلوووووو وأكيد هنشارك فيها كلنا ولا ايه رأيك يا دكتور ؟؟

الفكرة حلوة اوووووووى بس ياريت نتفق على طاعات نعملها سوا فى رمضان ونناقش مثلا البرامج الدينة ونقول مواعيد البرامج عشان نتابع وكدا وكمان ندخل نقول هل علمناالطاعات ولا لا واللى يعمل نديلة جايزة وكدا عشان التحفيز

انا رايى من راى القلب الطائر فكرة حلوة اوى وعايزين اقسام شيقة وممتعة واحنا طبعا واثقين فى زوق ادارة المنتدى

انا عجبتنى اوى الفكرة لان فعلا فى رمضان الواحد بيحاول يكثف الشهر كله للعبادة فقط
مرسى يا دكتور على افكاركم لتطوير المنتدى اول باول
وكل رمضان وانتم بخييييييييييييييييييييير

أنا كمان شايفة انها فكرة حلوة أوي
زكلنا أكيد بنبقى عاوزين نركز على الطاعات في رمضان
ده غير ان الواحد مش هيبقى فاضي أوي انه يفضل قاعد على المنتدى
وكمان كدة هنشجع بعض على الطاعة
فكرة جميلة بجد جعله الله في ميزان حسناتك

شكرا ليكم جميعا

ان شاء الله ننفذ كل طلباتكم علشان كله يكون مبسووط

انتم ناوين تصوموا رمضان ؟؟؟

على فكره المفروض ان فى رمضان الناس بتقعد على النت أكتر
خصوصا قبل الفطار

ده بالنسبه للى بيستخدموا النت فى استخدمات دينيه وترفيهيه

اما فى ناس تانيه هههههههههههههه ربنا يهديهم ملناش دعوه بيهم ....رمضان بيمنعهم من استخدام النت
مع ان رب رمضان هو رب كل الشهور

ان شاء الله نستخدم النت ديما فى الطاعه
ونركز على العبادات فى كل الشهور

ان شاء الله فى اكتر من مفجأه فى رمضان
بس المفجأه متبقاش مفجأه لو اعلنا عنها

علشان كده عاوزكم تثقوا فينا وانتظروا حاجه حلوه ان شاء الله هتتعمل وفى نفس الوقت تكون برأى الأغلبيه وتعجب الجميع

وبالتوفيق للجميع

الفكرة ان الواحد مش بيبقى فاضي يقعد على النت مش عشان بيعمل حاجة غلط "الحمد لله"
بس الواحد بيحب يزود الطاعات في رمضان فده اللي بيشغل الوقت وبيخلي الواحد مش فاضي
بس مش أكتر غير ان رمضان بيبقى كله عزومات يا عازم يا معزوم فمش بيبقى في وقت ان حد يعمل حاجة
وأكيد رب رمضان هو رب كل الشهور

احنا اكيد واثقين فيكم يا دكتور
ومستنيين المفاجئات والحاجات الحلوة

وكل سنة وانتم طيبين
وانا ناوية اصوم ههههههههههه ان شاء الله احاول اعود نفسى بقى هههههههه

شكرا يا نوسه

وان شاء الله كلنا نصووووووووووووووم

وان شاء الله نكون على قدر الثقه دى

وان شاء الله القرار ديما هيكون قراركم

لان المنتدى ده ملك لكل أعضائه وهم فقط من لهم حق أختيار كل كبيره وصغيره فيهم

لأانهم هم من يشاركون ويبنون فيه

وده راى احمد ورأيى

ان القرار قرار الجميع وليس قرار فرد واحد

وشكرا لكم جميعا

مرسى طبعا لحضرتك و لدكتور احمد على الاسلوب الديمقراطى اللى متبع مع الاعضاء