المقادير:
-4 حبات بطاطس كبار.
-بصله متوسطه.
-3 ملاعق صلصه طماطم.
-2 بيضه.
-بقدونس.
-حبه طماطم.
-جبنه رومى و موتزاريلا او اى انواع تحبيها.
-2 ملعقه سكر.
-ملح.
-فلفل اسمر.
-2 حبه فلفل رومى او فلفل اخضر.
-نص كوب لبن.
الطريقه:
-نقطع البطاطس شرائح متوسطه و نسلقها لحد ما تبقي نص سوا بس.
-نقطع البصل شرائح رفيعه و نحمرها فى شويه زيت صغيرين لحد ما يدبل و يبتدى يصفر بس.
-نجيب الصلصه و نحط عليها كوبايه ميه و ملعقتين سكر و شويه ملح و نقلبها شويه عالنار لحد ما يبقي لها قوام كويس.
-نضرب البيض و اللبن و الجبن مع بعضها و متنسوش تحطو شويه فلفل اسمر عشان ريحه البيض و نحط عليها البقدونس و الفلفل المقطعين.
-ناخد خليط البيض و اللبن و الجبنه و نقلبهم عالنار لحد ما يبقي ليها قوام متماسك شويه .
*كدا بقي نيجى لاسهل خطوه و هى اننا نرص الحاجات دى فى الصينيه او الطاجن و على فكره لما بتاخد طعم الطاجن بتبقي احلى بكتير.
-اول حاجه نحط البصل اللى حمرناه فى قعر الطاجن من تحت خالص .
-نرص البطاطس و نحط بين كل راق و التانى شويه من الصلصه لحد ما تلاقى نص كميه البطاطس خلصت.
-نحط الخليط بتاع الجبن و البيض و اللبن فى النص.
- نرص النص الباقى من البطاطس و متنسوش تحطو الصلصه بينها .
-فى الاخر خالص نحط باقى الصلصه كلها و نبشر شويه جبنه رومى و نقطع طماطمايه شرائح و نحطها عالوش و فوقها شويه بقدونس.
-نحطها فى الفرن لمده نصف ساعه
نقلتها بس جربتها وطلعت تجننن
جربوها انتوا كمان
بايووووووووووووو
الجمعة 16 يوليو 2010 - 7:07
