رأيكم علي وجه السرعة

اول حاجه مرحب بيك فى المنتدى


بالنسبه للفكره الاولى اعتقد ان كلامك مش صح لان كلنا فى المنتدى هنا أصحاب وعارفين بعض يعنى كلنا أسره وتقريبا المنتدى عائلى يعنى كلنا فى خارج المنتدى أصحاب وأصلا عرفنا المنتدى عن طريق بعض علشان كده اللى بتقوله ده صعب جدا ...يعنى انا مثلا عرفت المنتدى عن طريق momona لانها صحبتى

وكل البنات هنا صحبات مع بعض وعارفين بعض خارج المنتدى


وكمان زى مكلنا عارفين ان دكتور احمد ودكتور خالد ودكتور رائد اصحاب واعتقد كمان ان حضرتك صاحبهم
علشان كده الرأى ده اعتقد انه مش صح


تانى حاجه احنا مش احزاب ولا حاجه بالعكس كلنا بنحب بعض وعلى فكره اان اشتركت فى أكتر من منتدى تانى كان عدد الأعضاء فيه بيفوق المئات والزوار بالالاف بس هنا احسن حاجه فى المنتدى هى روح الحب اللى بينا كلنا وكلنا هنا اخوات وده اللى بيميز المنتدى


بالنسبه للمنتدى أنا فخوره انى فيه أصلا و اكبر دليل على كده ان ماماتى تعرفى أنى مشتركه فيه وهى كمان بتدخل وبتقرا بعض الموضوعات والردود و رأيها انه مكان كويس على لارغم من اعتراضها على فكره النت بصفه عامه الا ان المحتوى الهادف هنا هو فخر لكل عضو وروح الحب هى عنوان المنتدى و الصدق هو سر حبنا له


وشكرا على وجهه نظر حضرتك اللى بحترمها لكن اختلف معها

اهلا بحضرتك يا دكتور منور المنتدى
وانا احب اؤكدلك كلام لحظة غروب
فالبنسبة للفكرة الاولى مثلا انا ولؤلؤة اخوات والقلب الطائر وتويتى وزا ليجند والفراشة وزا بيوتى روز احنا اصحاب حقيقى ونعرف بعض كويس هههههههههههه يعنى تقريبا احنا سردنالك معظم الاعضاء حتى فيه اعضاء مبيدخلوش حاليا بس برده انا اعرفهم فى الواقع


اما الفكرة التانية فاحنا فعلا كلنا اخوات هنا واللى بينقد التانى او بيختلف معاه فى وجهة النظر فده بيتم باحترام متبادل وبحرية تامة واحترام الراى والراى الاخر

واكيد حضرتك لما تتفاعل معانا اكتر هتحس بده اكيد
اتمنى ان حضرتك تلاقى ده فعلا معانا

صحيح هههههههههههههههههه نسيت أقولك نوسه ولؤلؤه اخوات وانا ونوسه نوسه هههههههههههه يعنى اقصد احنا الاتنين اسمنا نوسه


ونوسه كمان صحبتى جدا وعذارى صحبتى ومرمر برضه كده تقريبا مفيش اعضاء تانى ههههههه.....سورى يا نوسه نسيت أقول ان احنا صحاب بس اكيد ده شىء منطقى جدا طبعا هههههههه



اكيد حضرتك تقصد فكرة موضوع معين اتكتب وبعد كده احنا اعترضنا واختلفنا فى الرأىمع صاحبه لكن صدقنى الاختلاف فى الرأى لا يفسد للود قضيه واللى كان بينا هو اختلاف مع فكرة الموضوع وليس خلاف مع صاحبه


وزى ما قالت نوسه اكيد لما تدوس معانا اكتر هتعرف اد ايه كلنا بنحب بعض
ومرحب بيك مره أخرى

ههههههههههههههههههه فعلا يا لحظة احنا كدة اتنين فى واحد (اسم واحد)
وكمان نسيت ان مرمر فى كليتى واكيد نعرفها من المنتدى كويس
وعذارى طبعا طيوبة المنتدى وميطلعش منها الحركات دى
وكمان نور الدنيا وملوكة وهنودة برده اصحابى بس هم بقالهم فترة مش با ينين
هههههههههههه ناقص مين تانى

كنت عاوزه اقول بس بالنسبه للعضو الرومانسى ااحنا مش مختلفين معاه ولا حاجه ولا فى احزاب

يمكن الموضوع ده اللى صور للعضو الجديد انان فى احزاب او كده بالعكس تماما هو كان بيهزر وأحنا كنا بنتكلم بهزار وفى النهايه كلنا هنا اخوات


رغم اختلافنا فى الأراء وفقط لكن مفيش خلاف

مرحبا بيك يا دكتور فى منتدانا الجميل
بس فعلا معظم الاعضاء اللى هنا فى المنتدى اصحابنا واحنا عارفينهم لايف
وكلنا بنحترم اراء بعض حتى ولو كان هناك تعارض فى الاراء
وان شاء الله هتغير وجهة نظرك لما تقضى قترة معانا فى المنتدى
مرة تانية اهلا بيك ونورت المنتدى ويارب يعجبك

منورنا يادكتور حمدي
وبعدين هنستفيد من خبرتك في النت وال Ip
بس إنت ليه شكيت إن في أكتر من accountلشخص واحد وياريت تبلغنا في الإدارة لو لاحظت غريبة

بس ع فكرة صعب جدا ده يحصل في منتدانا لأن بجد كلنا أسرة واحدة ياحمدي وأكترمن إخوات وياريت تبلغ أحمد بأي جديد وسلامي يادكتور

انتو نسيتو تقولو أميره بكلمتي ونجمه بعيده ...لما تقعد فتره في المنتدي ياحمدي هتعرف ان كل عضو في المنتدي عنده شخصيه مختلفه وأسلوب مختلف حتي لوكانت الأراء متفقه ولما الأراء بتختلف كلنا بنبقي عيزين نعبر عال جوانا من غير منضايق حد...وكل واحد فينا بيهتم برأي وفكر ال قدامه وبيحترمه وبينفده بدون أي مشاكل بس انت علطول بتعمل مشاكل حتي في الجرايد والمجلات العالميه لما بيستضيفوك تحللهم
http://www.thespiders.ahlamontada.com

علفكره أميره بكلمتي وعذاري أخوات زي نوسه ولؤلؤه علشان كده هما طريقتهم شبه بعض شويه علشان كده ياحمدي انت ممكن تكون اتلخبط اناأخويابرده معايا عالمنتدي بس هو من ساعة مسجل وهو مدخلش

فعلا المنتدى ده بيتنا وكلنا اسرة واحدة وانا عن نفسى مبسوطة اوى من الكلام اللى كتبوه كل الاعضاء
وميرسى لحضرتك يا دكتور خالد على الكلام الجميل ده
وبشكرك جدااااااا يا دكتور حمدى على الموضوع اللى قدملنا كلنا فرصة عشان يظهر حبنا كلنا لبعض ولمنتدانا الغالى

زى ما كل الاعضاء قالوا الفكرة كلها ان احنا معظمنا نعرف بعض برة يعنى انا وتويتى ونوسة ولؤلؤة والفراشة وبيوتى روز وليجند كلنا اصحاب اصلا ومرمر معنا فى الكلية وهنودة كمان فكلة عارف بعضة يعنى فعشان كدا ممكن الكلام واحد لان افكارنا اصلا واحدة وبالنسبة للى بيدخل بكذا اكونت مفيش لان بصراحة الاعضاء قليلين بس متفاعلين وصادقين جددا

بجد الكلام اللى اتقال عن المنتدى فرحنى جدا لانى بحس هنا انى مع اسرتى واخواتى
وكل واحد فينا بيعبر عن رايه بحرية تامة
ومرسى يا دكتور خالد كلامك اسعدنى وحاسنا ان فى حد بجد يدافع عن المنتدى ومسئول عنه و طبعا دكتور احمد والادارة كلها

اعتقد ان كل اللى بيحبو المنتدى....ردو وقالو رايهم....

وبجد المنتدى بيبقى جميل لما نحب بعض بجد...والموضوع ده اثبت كده...

هو معدش في رد الحمد لله هما قاموا بالواجب وزيادة
ويمكن كله بيأكد اننا كلنا هنا عارفين بعض وممكن حكاية الآراء دي نقول
ان الطيور على أشكالها تقع ههههههههههه
وأكيد مفيش أحزاب ولا حاجة وكلنا هنا زي الاخوات أكيد بيبقى في خناقات وشد شعور
بس في الاخر اختلاف الرأي لا يفسد للود قضية
وكلنا هنا أسرة مع بعضينا

عادي برده احناممكن نتخانق وأي اصابات احنامتكفلين بيها يعني العلاج علي نفقة المنتدي وبالمره نتعلم متخافوش الدكاتره ال عالمنتدي معملوش أي عمليه قبل كده خالص يعني نسبة النجاح تتعدي الواحد بالميه ودي في مصر نسبه مرتفعه جدا يعني بدايه مش بطاله بس شدو حيلكم

ههههههههههههههههههههههههههههه
كدة انا اطمنت انا كنت بدافع من بعيد