ماما .....ماركه مسجله

الدراسه بدات
واحسن حاجه حصلتلي ان خلاص هترحم من ماما وطلباتها
واخيرا قررت تفرج عني

احمدك يارب
مهو المذاكره بدات بقي
بس بعد ايه
بعد اما كل محلات المنطقه عرفتني
العطاره والبقاله..الخ الخ
وطبعا الجلاش والرقاق
كما اسلفت بالذكر سابقا
راحت الدكتره
وراح البرستيج
الحمد لله ان الموضوع لم يتطور اكثر من ذلك
وخصوصا ان من ساعة الطماطم الخضرا اللي جبتهالها
وهي حلفت مجيب حاجه تاني
الحمد لله هنذاكر بقي
وحشتني الكتب والسهر
وشيل الهم بدري
بس ارحم
ارحم بجد من ماما
ربنا ميوريكو
الله يكون في عون اللي هيقع تحت ايدها
استرها يارب
دي لما بتتنرفذ عفاريت الدنيا بتركبها
بجد وممكن متشوفش قدامها
علفكره خبطتني مره بسكينه وانا صغير
الحمد لله جت في رجلي
وكانت اصابه سطحيه
لا وجت بعديها تعيط
سبحان الله
بس بيني وبينكم انا بحبها جدا
خصوصا ان دي برده ماما وهي اللي شايله هم البيت كله
صحيح انا حاليا اللي شايله
بس برده خادم القوم سيدهم
وكله بثوابه
وكله يهون علشان ماما
حتي البرستيج والطب كله
كل سنه وانتو طيبين

ربنا يخليكلك مامتك يارب وترحمك شوية من الطلبات ان شاء الله فى الاجازة هى دية مميزات المذاكرة بس عيوبها كتيييييييييييييير اولها تعب وشقى المذاكرة والشغل العملى ربنا يقوينا يقا احنا وامة محمد اجمعين

هههههههههههههههههههههههههههههههه
ربنا يخليهالك وتتعبك كمان وكمان ماهى يا ما تعبتلك برده

امين
ربنا يبارك في اهلنا وفينا علشانهم

ههههههههههههههههههههه
حلوه اوى بس
ربنا يخليلكهالك
علشان تفضل تتعبك

» ماما تقولكم حلوا بالكم منى عبال لما ترجع
» بحبه يا ماما بحبه