اضحك مع اتنين سمعهم تقييييييييييل

تخيلوا لو اتنين سمعهم ثقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

بجد جامده مووووت
وتفطس من الضحك
الله ينور عليكي في اول موضوع في منتدي الكوميديا
وان شاء الله موضوعاتك كلها تبقي روعه

حللللللللللوووووووووووووووووووة اووووى كل واحد بيتكلم فى وادى لوحدة

:P :P :P :P :P :P
جميله جدا
تسلم ايدك يا لؤلؤه
كل واحد في قصه لوحده

مرسى ليك يا دكتور مرسى يا قلب مرسى ليكى تويتى بجد نورتوا اهم حاجة تكون عجبتكوااااااااااااا

هههههههههههههههههههههههههههههه
جميله اوي يا لؤلؤه تسلم ايدك

هههههههههههههههههههههههههههههههههههههههههههههههههههههههههههه
جامدة جدااااااااااااااااااا يا لولو

هههههههههههههههههههههههههه
يسلمووووووووووو
جزاكي الله خيرا

السلام عليكم ورحمة الله وبركاته

هههههههههههههههههههههههههه

حلوه كثير

تسلم يديك

شكرا لك

سلاااااااااااااااام

دول مش بيسمعو أصلا...........

جامده موووت...وبذات البوليس...

هههههههههههههههههههههههههههه

شغاله يعنى هههههههههههههههههههههههه

دمهم خفيف حبتين